2009-04-12 Day 4 祈褔→常平
訓醒覺就再出發，離開番禺之前梗係要去媽咪朱話好好食，連<蔡瀾>都介紹既<滋粥樓>la 
，係祈福搭一號公車到<番禺廣場>落車，之後行入廣場裡面，望向廣場對面再向右邊看，你會見到紅色外牆一座樓的樓頂上面有個大招牌寫住<滋粥樓>，我地叫左煎焗魚咀、三絲炒米、拆魚粥、鹽焗乳鴿、酥皮雙皮奶、炭燒朱頸肉、窩貼餃，上次爸爸朱食過香芋芡實鮮蝦煲同生菜魚滑粥都好好食架 ，不放試下，另外仲有可樂同雪碧。食左$192人仔
食完之後由<番禺廣場>搭地鐵到廣洲東站(RMB7)轉火車去常平(RMB50)，約一個半鐘。晚餐食小肥羊，之後買返幾隻碟。
2009-04-13 Day 5 Happy 番禺 5天之旅
常平→香港
係富昌酒店食早餐(唔知係唔係)，之後爸爸朱去買左個大"口急"，跟著爸爸朱、媽咪同大姐飛髮，佢地出去個陣仲落緊黃雨同行雷，大姐仲用左百五蚊人仔將原本曲曲地的頭髮拉直，用左成三個鐘，好悶呀!! 等到我地成7:00pm先搭得火車返深圳，落火車之後我地又去食廚房製造，沙律吧免費但羅左唔食同食餘要比$20人仔，仲有乜野食，祖國江山一片紅、什扒、炒聖子、波蘿炒飯、天婦羅烏冬，甜品心太軟同芒果沙冰，成為$460人仔，整個行程就係呢個浪漫晚餐之後結束了。(其實成篇野都係我二姐寫的)
2009-04-11 Day 3
Day 3 寶墨園★★★☆☆
LumLum琴晚比蚊仔咬左十幾粒 ，雖然已經開左蚊機，但係都比蚊仔咬。
十點幾起程
，乘市橋#1 Bus (RMB2) 到市橋<世昌酒店>十五樓飲茶，果倒好鬼多人要等好耐.之後爸爸朱帶我地去某車站乘#12 BUS (RMB3) 去<寶墨園>，唔洗驚唔識落車，因為總站就係<寶墨園>，搭左大約一個鐘,去到已經兩點幾.落車行大約十分鐘唔洗，裡面真係好大，大到行唔灑架
入到裡面我地一路行一路睇風景同餵錦鋰，不知幾好玩呀，係喎唔記得話你知行入寶墨園路上，一路會有人叫你買魚網同魚糧，但係我地無買，因為爸爸朱一早知有魚餵，咪係市橋已經買左面包，錦 魚網呢 下無買咪無得捉魚仔，我、大姐同LUM B只有眼望望
，得個睇字，好在爸爸朱識做帶我地食大良雙皮奶，之後又睇魚池有無魚仔，因為久唔久就有人放的魚仔落去，你估係邊個放的，我同大姐好無引 ，爸爸朱景然執到個網比我地捉魚，我同大姐成日爭，搞到琳B無得玩
，後尾爸爸朱同琳B到另一邊執樹葉，一個好心的掃垃圾的嬏嬏比左個網同埋好多魚仔比琳B，我同大姐見到開心到飛起.
黃昏開始D人開始走. 本來去完<寶墨園>我地就去<滋粥樓>食野, 不過book唔倒位, 就去左祈褔食街對面的<魚米之鄉>個度好多人去，因為復活節假期好多香港人北上，我地兩大三小等左半個鐘先至有位，爸爸朱叫左好多野食，客家釀豆腐、鹽焗雞半隻、腐皮豆苗、鼓油王炒面、煎釀雙寶(釀虎皮蕉同苦瓜)、水庫大魚頭食兩味等，本來仲有煎包，但賣晒，只好叫煎堆，但係唔好食，你估幾多錢，哈哈成三百蚊，仲要打包，你話低唔低 ，之後行返屋企，本來想食我既至愛雙皮奶，但係媽咪話好飽，所以去左祈褔食街<果留香>外賣返屋企食，然後去左超市買左小小野就返去訓覺。
2009-04-10 Day 2
Day 2 長隆歡樂世界★★★★★
呵~
一早起身去搭車搭10A or 10B到漢溪地鐵站總站對面轉長隆免費車,因為同之前一樣去果道 如果你琴日去四海一家轉車, 醒目的話你一定見倒過山車在對面 http://www.chimelongparadise.com/這裡是長隆歡樂世界網, 詳情請睇網頁.
裡面有好多野玩包括...等等自己睇網la! 過山車要有1.4米才可以玩，玩完我地去左古堡餐廳吃面跟著去睇馬戲表演真係好好睇架!要買飛~(有一樣野要記住一定要識講普通話同聽普通話唔好學爸爸朱)馬戲7:30pm開始一入倒去有記住搵個靚位，我7:00pm去到已經好多靚位已經無晒，所以只有中間右排。睇完已經9:00pm行返出去搭長隆免費車返<漢溪地鐵站>再轉10A or 10B返祈福，到祈福車站附近<千歲堂>食甜品，我食左我最愛的凍雙皮奶，係我唔係佢地(我=爸爸朱個二女) ，仲有合桃湯丸、西米露，然後,我地就屋企睡覺la!!!
